Danasîn û armanc

YASA rêxistineke ne havil û ne hukûmî ye (rêxistineke civaka şaristan e), ku ji bo bicihkirina mafên Kurdan yên mirovî li welêt û derveyî welêt dixebite.

YASA di tebaxa 2005-ê li Bonn-ê hatiye damezrandin û ji hîngê de ji bo berjewendiya Kurdan di warên mafên mirovî, întegrasyon û rewşenbîrî de kar dike.

Li sewiya siyasî YASA bi riya bikaranîna alavên yasayî yên niştimanî, herêmî û navneteweyî dixebite û ligel rêxistinên hukûmî û yên ne hukûmî, yên ku bicihkirina mafên mirovî dişopînin, kar dike.

Bi riya sêmînar û civatên agahiyan YASA piştgiriya toleransa çandî dike, li pênawî întegrasyona kurdan li Ewropa dixebite û piştgiriya penaberên kurd dike. Di vî warî de YASA girîngiyekê dide danasîn û belavkirina kultur û sîstema yasayî ya almanî, da ku întegrasyona di civaka alman de di demeke kurt de gengaz be.

YASA ji sala 2007-ê de salane mihrecana helbesta kurdî li dar dixe. Bi ser de jî kursên hînkirina zimên pêşkêş dike, da ku çand û zimanê kurdî bi pêş xîne.

Piştgirî

Herkesê ku armancên jorîn baş dibîne û bixwaze ji bo bicîkirina wan piştgir be, dikare bi endametî, alîkariya diravî yan jî hevkariya xwe karê me xort bike.

Alîkariyên diravî dikarin yekser li ser kontoya jêrîn bêne şandin:
Xwediyê konto: Kurdisches Zentrum für juristische Studien und Beratung- YASA e.V.
Hejmara Konto: 1937128294
Hejmara bankê: 37050198
Bank: Sparkasse Köln-Bonn

Eger tu bixwazî bibe endamê piştgirtin an endamê kar di  YASA de fermû ev Form dagre.

Copyright © 2005 - 2009 YASA,  All rights reserved.